Afghan laga 12 desh te Al Qaeda khan active ase

Kabul. August 2, 2020. Al Qaeda terror group tuh 12 Afghan provinces te besi active hoikena ase aro tai khan laga leader tuh Ayman al-Zawahiri ase aro tai tuh desh te ase koikena UN para khobor thishe. Saturday din te, UN Security Council logot world body laga member states para khobor thishe ke, “Al Qaeda khan tuh 12 Afghan provinces te bohi-ase aro Ayman al-Zawahiri tuh desh te he ase” koikena TOLO News para khobor tuh koishe. Khobor para koishe ke, UN Monitoring Team para hesab kura tuh Afghanistan te Al Qaeda larai kura manuh khan tuh 400 aro 600 majot te ase aro tai khan laga leadership tuh Haqqani Network logot besi melikena ase. February moina te, al-Zawahiri para Yahya Haqqani ke lok kurishe, Haqqani Network para Al Qaeda logot 2009 saal para melikena thakiase” tai koishe. Khobor para aro koishe ke, Pakistani laga terrorists 6,000 para  6,500 neshina tuh Tehrik-e-Taliban Pakistan (TTP) logot melaikena ase. Afghanistan te TTP fighters tuh Amir Noor Wali Mehsud, para loikena ase, aro tai laga  deputy Qari Amjad para support thikena ase, koikena TTP lag spokesperson Mohammad Khorasani para janai thishe. Aro dosura group ekta Eastern Turkistan Islamic Movement (ETIM) koikena tai khan be Eastern Turkistan Islamic Movement (ETIM) provinces te besi active ase, khobor para koishe. Islamic State (IS) terror group khan tuh, khobor para koishe ke, Afghan laga Nangarhar and Kunar provinces te tai khan be jokom paikena ase, hoilebi tai khan logot komjuri ase nakoboli lage,  TOLO News para koishe. Etu group khan wabaz jaa oper te, IS khan para desh laga alak-alak chaka te tangor hamla kurikena ase, etu oper te Kabul te be hamla kurishe koishe. Etu samay, Al Qaeda in the Indian Subcontinent (AQIS) khan para Taliban pithor te melaikena Nimruz, Helmand aro Kandahar provinces te hamla besi kurikena ase, aro etu oper te groups khan tuh 150 aro 200 neshina manuh khan tuh Bangladesh, India, Myanmar aro Pakistan para ase koikena, khobor para aro janai thishe.