Agencies, 17 September: Sunday din Galle jaga de India aro Sri Lanka ICC Women’s Championship laga third ODI match khela thakise. Etu time de Sri Lanka pora India logode three wicket pora jeti lowah thakise. India pora 50 overs de 253/5 bona thakise. India laga khelari Mithali Raj pora 125 score bonabole para thakise. Second wicket karni tai opener Smriti Mandhana logode partner kora 102 runs bona thakise. Mandhana toh 51 runs lobule para thakise. Mithali Raj pora 143 balls de century mari kena 253 bonaideya thakise. Hoilebe Sri Lankan captain Chamari Attapattu pora century mari kena jeti lowah thakise. Atapattu pora 115 runs bona thakise aro Hasini Perera logode meli-kena 101-run bona thakise. Hasini Perera toh 45-run lobule para thakise. Tai khan out howah bechide Sri Lanka khan ekta ball bachi kena thaga ke ektum mondukh howah thakise. Hoilebe tai khan laga khelari Kavisha Dilhari pora ek-ta ball bacha ke four mari kena jeti lowah thakise. ODI series de India 2-1 pora ase aro Sri Lanka logode five Twenty20 matches khelibole ase.
November 1, 2024
World's First and Only Nagamese Newspaper
Add Comment