Paris: August 7, 2020. Thursday din te Duniyaa laga Coronavirus cases tuh 19 million oper hoishe. European desh khan para notun travel restriction bonaishe aro second wave phui nemite containment measures othaishe. Duniyaa te bemari tuh 700,000, oper hoikena ase aro Duniyaa pithor te European desh tuh sobse beya para bemari hoikena ase. China te jaa saal virus bemar tuh first ola beche 200,000 oper manuh khan morikena ase. Africa laga bemari cases atha tuh South Africa para ase aro Duniyaa te fifth besi bemar koikena ase. United States, Brazil, India aro Russia bechete tai khan ase koishe. Australia laga second tangor Melbourne city te Thursday din te sobse kara lockdown lakai thishe, etu chaka te non-essential businesses khan bondh kurikena hundred aro thousand manuh khan ke ghor te bohi thakibole koishe. Etu virus bemari para Duniyaa sob te komti hoilebi 712,315 manuh morikena ase. United States te 160,000 sobse besi manuh morishe, etu beche Brazil te 100,000 nehina morishe. Duniyaa te bemari cases laga 40 percent tuh tuita(3) desh te recorded hoikena ase. Thursday din, osor desh Austria te mainland Spain desh logot travel warning junai thishe, EU member pithor te notun coronavirus case nemite first desh tai khan para etu kam kurishe. Thursday din, Norway para junaishe ke, France coronavirus cases besi otha nemite aro red zone ase olai thishe, etu mani France desh para aha manuh khan sob dos(10) quarantine kuriboli lage koishe. Switzerland, Monaco aro Czech Republic desh khan te be eke restriction tuh bonaina ase koikena Norwegian foreign affairs ministry para koishe. State Department para ekta statement te koishe ke, “Health aro safety neem tuh konuba desh te tuh bhal hoiase aro dosura desh te bemari cases tuh be komti hoishe ase”.
Add Comment