Agencies, 07 August: Former Indian captain MS Dhoni toh Indian Premier League laga 13th edition agae te individual capacity te korai ahishe. Tai para tournament te Chennai Super Kings te lead kora thakise. Tai toh ek sal nemide cricket action para dur thakise. Tai khel te last ola dekha toh 2019 World Cup against New Zealand laga semifinal te thakise.
Reports hisaab te, MS Dhoni toh JSCA International Stadium Complex laga indoor facility te training te suru korise. Dhoni toh practice te bowling machines jolai.
Tai JSCA International Stadium Complex te toh jowa hapta lok kora thakise. Tai toh bowling machine jolai kena indoor facility te practice kora thakise. Etu khobor toh kobole mon nahoi kena JSCA official para New Indian Express te kowa laga ase.
Poila CSK official para franchise laga sob Indian players toh cronavirus nemide test kora bechide Chennai te jama hobo kowa thakise. Aro etu bechide 48 khonda pithor te UAE te oribole kowa thakise. IPL Governing Council meet te sabha sabi janai kena ase team toh August 20 bechide he UAE te jabole.
Add Comment