COVID-19: Nepal te ek din pithor te manuh sobse besi morishe

August 8, 2020. Nepal te 24 gonda pithor te COVID-19 para pas(5) jun manuh morishe koikena khobor paishe. Manuh mora pithor te ek(1) din laga sobse besi ase koishe. Government sources para khobor koishe ke, notun manuh mora para Nepal te sob meklaikena COVID-19 bemari para 65 manuh morikena ase. 24 gonda pithor te, “42 umer para 72 umer manuh khan pas(5) jun morishe, koikena government para koishe. Government para koishe ke, “manuh mora rate tuh umer tangor khan logot bemari cases tuh othiase. Government para aro janai thishe ke, lockdown kuli deya nemite bemari cases tuh besi hoiase. Khobor para koishe ke, Nepal Government para lockdown tuh March 24 moina para soruh hoikena COVID-19 bemari tuh rokai thakishe, hoilebi July 24 darik te lockdown tuh hataishe.