GANGTOK | September 18, 2018:Sikkim laga kunba jaka te paani bishi girikena mati girikena dikdaar pai thaka toh etia thik thak hoishe mousam thik hoikena Sunday te,District te kaam khan thik thak hobole karne chuli ase district administration khan pora aro light khan bi biya hoikena thaka toh thik thak kurishe power department laga manu khan pora.Engineer aro feild staff khan department laga pora etu kaam thik pora kurishe .Mangan laga kunba jaka te paani laga supply bi thik thak kuridishe PHE department khan por aro etu kaam toh Monday te khotom hoi jabole ase .Siliguri pora parts khan puncha pichede.Forest department laga team khan pora joldi pora mangan te khatara thaka ghass khan toh kati dishe . North Sikkim te thaka Indian Army aro India Air force khan helicopter service kurishe phasikena thaka manu khan ke bachabole nimete.Ekta bacha bukha maiki aro tai laga mota ke bi hataidishe.Etu logote manu khan gao thik thak nathaka khan ke bi medical aid dishe air pora noloijaa akhe te.Five ta helicopter khan etu kaam kurishe 6:30 am pora shuru kurikena 30 tourists khan phasikena thaka olaidishe North Sikkim pora .Sob milaikena 42 manu khan ke Chungthang pora Gangtok aro 22 pora Badogra te loijaishe .11 manu khan ke Mangan pora Gangtok aro 7 ta ke Chungthang te loijaishe air pora. Chaten pora Gangtok tak duita manu ke helicopter pora luijaishe. Minister aro Lachen Mangan MLA T.W. Lepcha, Dzongu MLA aro deputy Speaker Sonam Gyatso Lepcha and Rajya Sabha MP Hishey Lachungpa officials khan logote etu jaka te jaishe ki ki biya hoishe koikena janibole nimete.
Add Comment