Agencies, 11 August: Tuesday te Prime Minister Narendra Modi para dasta nesana states laga chief ministers logode coronavirus halat opor te kotha korise. Andhra Pradesh, Karnataka, Tamil Nadu, West Bengal, Maharashtra, Punjab, Bihar, Gujarat, Telangana, aro Uttar Pradesh laga chief ministers toh virtual meeting te thakise. Defence Minister Rajnath Singh be meeting te hesha thakise. Dasta states laga CMs logode etu meeting lowa toh tai khan ke besi population thaka aro virus besi thaka toh namabole laga bhabona para loise. Modi para be meeting te kotha kora thakise.
PM Modi para kotha kora highlights:
- Union Health Ministry para Tuesday te data ola hisaab te, India te COVID-19 cases toh Tuesday te 55,000 nejide najishe eki din te. Etu toh jar din nemide 60,000 opor cases record howa bechide ase. Notun cases logode, India laga COVID-19 tally 22.68 lakh te othise aro recovery 15,83,489 te othise. Etu para recovery r ate toh 69.80 percent te othise.
- Ami khan dikhise UP, Haryana aro Delhi laga konbah districts te COVID-19 toh ektum dangor dekthari howa. Etu bechide ami khan meeting loise aro Amit Shah laga chairmanship pithor te committee bonaishe. Aro ami khan lakiya nesana besi kamiyaab hoise.
- Etiya experts toh joli 72 khonda pithor te bemari ( COVID-19) laki kena thaka janishe (diagnosed) koile etu bemari phela te besi control kuribole paribo koi ase. Etu para manu khan kon contact te ahai etu khan 72 khonda pithor te test kuribole lakiya kaam laga hoise.
- Mora rate toh hotai nami ase aro recovery rate toh hotai othi ase. Etu para ami khan measures lowa toh thek rasta te lowa dekhi ase.
- Sob state toh C OVID-19 pandemic para halat beya bonaideya te kelaaf fight kori Sob state laga role bemari namabo nemide toh ektum kaam laga ase.
- Ami khan laga experience etiya tak containment, contact tracing aro surveillance te thaka toh COVID-19 kelaaf ektum phal hatiyar te ase.
Add Comment