August 15, 2020. India para Lebanon logot 58 metric tonnes emergency humanitarian aid thishe aro etu oper te tawai aro khana be botaishe. Jaa hafta Lebanese capital Beirut te tangor bomb bota nemite ase koishe. “Beirut te tangor bomb botai te Lebanon manuh logot India para morom thikaishe. 58 MT emergency humanitarian aid aro tawai, khana supplies tuh IAF C17 aircraft Beirut te jaiase”, koikena External Affairs Minister S Jaishankar para janai thishe. Olop beche media briefing samay Ministry of External Affairs laga Spokesperson Anurag Srivastava para Beirut te August 4 darik te tangor bomb botai nemite India para Lebanon logot motob thibo aro tai khan saman ke lage koboli koishe. “etu nemite aji pujur Indian Air Force C-17 aircraft para 58 MT emergency humanitarian aid tuh Government of India para Lebanon logot thiase’, tai koishe. Olop gonda agae te aircraft tuh Beirut pongchese aro saman tuh Indian Ambassador para Lebanese Armed Forces laga senior officials laga hath te thishe, koikena Srivastava para janai thishe. Motob(aid) pithor te saman tuh emergency tawai, wheat flour, sugar and pulses, aro relief saman neshina blankets, dignity kits aro homa mats ase, manuh khab besi ghor nathakina ase, etu para tai khan ke motob kuribo, tai koishe. Lebanon te COVID-19 bemari thaka oper te aro be Indian Government para alak Personal Protection Equipment (PPE),etu oper te gloves aro surgical gowns be thishe. Tai aro koishe ke, etu saman tuh Beirut pongche boli olop din lobo koishe. Bomb blast te toh 170 oper manuh khan morishe aro thousand neshina manuh jokom paishe aro tens thousand neshina toh ghor nai, etu sob tuh 2,750 tonnes ammonium nitrate botia nemite ase koikena khobor para janai thishe.
Add Comment