Washington: August 16, 2020. Democratic vice-presidential nominee Senator Kamala Harris para Indian-American community logot first address kora samay, Indian heritage laga joikena koishe aro tai laga ama para koi thaka be yaat ahikena jani thishe. Harris tuh 55 umer ase, tai tuh vice-president candidate nemite first black para junishe. Tai purana din yaati kurikena “lamba walks” Madras(etai Chennai) ase, tai laga grandfather para “heros” laga kisa koi thakishe aro duniyaa te sobse tangor democracy kotha be koishe. Democratic presidential nominee Joe Biden, umer 77 para Harris ke junishe. Harris tuh Indian-American aro African-American manuh ase. Tai Presidential election nemite November 3 darik te jaboli ase. Harris laga baba toh Jamaican aro ama Indian manuh ase. Juti, California senator Harris election te olaile, tai toh Biden beche second wala hobo. “aji, August 15, 2020, ami tui khan laga osor te ghara kurikena first candidate United States of South Asian descent laga vice president,” Harris para Biden National Council te Indian manuh para organize kora samay koishe. Biden te thakina, Harris para Indian Americans logot India’s Independence din te kushi janai thishe.“India manuh aro US phur te Indian American logot koi as eke, ami happy Indian Independence Day salam thiase. August 15, 1947 saal te, mota, maiki India phur te Indian desh independence junai deya nemite kushi ase,” koikena harris para council laga virtual inaugural meet samay koishe. Harris toh, October 20, 1964 saal te Oakland, California te jonom paishe. Tai laga ama Shyamala Gopalan, Tamil Nadu, India para US te jaishe aro tai laga baba Donald J Harris, Jamaica para US te ahishe.
Add Comment