Washington: August 16, 2020. Juti November general election beche power te ahile, Biden laga administration para H-1B visa system tuh botli kurikena desh laga green cards quota tuh hatai thibo koikena tai laga campaign te koishe aro Indian-American community tuh be agea te loijabo. H-1B visa tuh non-immigrant visa ase, etu pithor te US companies khan para foreign manuh kam kuriboli raki aro tai khan tuh theoretical nahoile technical expertise ase. Companies khan para hotai saal thousand kam kura manuh ke hire kuri thaki, Indai aro China desh neshina para manuh khan ke loi. Saturday din India laga Independence din te, Indian-Americans pithor te tangor document ekta bonaishe. Biden para Campaign kurikena koishe ke, family-based immigration system aro religious worker visas ke motom thiboli koishe. Administration para aro steps loikena etai US te racism tuh be hatabo aro house of worship aro kotha oper te nemile-kena thaka aro Indian-Americans diversity logot saman thibo koishe. Etu first time as eke, Democratic presidential candidate ekta para Indian-Americans oper te tangor policy document bonai thishe.
US pithor te, ata(8) vote thiboli desh te 1.3 million Indian-American manuh khan ase. Democratic presidential candidate Joe Biden para olop din beche Indian-American manuh logot video message thiboli ase koishe. “Biden para Department of Justice laga leaders khan ke junikena desh te beya kam pelabo aro tai laga Justice Department logot etu larai samay kam kuribo, etu oper te religion-based hate crimes aro white nationalist terrorism be hatabo” koishe.
2012 saal te Sikh community khan logot white manuh para Oak Creek, Wisconsin, gurdwara chaka ke gooli marikena etu samay sat(7) jun manuh morishe aro char(4) jun jokom paishe. Campaign te aro koishe ke, January 2019 saal te Hindu temple ekta be beya kuri thishe, etu samay, window, doorja aro spray-paint para kotha beya besi wall te leki thishe koishe.
Add Comment