COVID-19 bemar toh 40 umer neji ke lakiboli osor te ase

Manila: August 18, 2020. Tuesday din, World Health Organization para koishe ke, novel coronavirus toh manuh umer 20s, 30s, aro 40 pithor manuh para spread hoi, aro etu manuh khan para bemar toh tai khan logot ase nejani. WHO laga officials para etu monia te koishe ke, jawan manuh logot bemari thaka toh Duniyaa porta hoishe, aro tai Duniyaa laga population pithor te dosura manuh logot bemar lakiboli besi risk te ase, etu oper te pura/puri manuh aro manuh besi thaka chaka te heakth service komjur thaka te bemar manuh logot lakiboli osor te ase koishe. “bemari thaka chaka toh botli hoiase,” koikena, WHO laga  Western Pacific regional director, Takeshi Kasai para virtual briefing samay koishe. “manuh khan umer 20s, 30s, 40s pithor khan para bemari toh spread kuri ase, aro manuh besi para tai khan logot bemar thaka toh najane’ koishe. “etu nemite komjor thaka manuh khan logot bemar toh lakiboli besi osor te ase” tai aro koishe. Notun bemari cases otha nemite konuba desh te bondh kurikena companies khan virus nemite vaccine besari thaka samay economies be neji kerishe. Reuters tally hesab te, virus laga bemar toh 22 million neshina manuh logot ase aro 770,000 oper manuh morikena ase. Etu samay kam toh botli kuri saikena, WHO para virus toh “komti hio ase”, koikena Kasai para koishe. WHO para aro tawai bona manuh khan logot koishe ke, aro vaccine bona samay research aro development steps toh manikena kam kuriboli janai thishe. Socorro Escalante toh technical officer aro medicines policy advisor ase. WHO para Russia logot khobor loiase. Etu moina Russia toh first desh ase ke, COVID-19 vaccine nemite regulatory approval thiboli manishe. Escalante para koishe ke, “ami khan besas ase ke, notun vaccine laga khobor toh jolti pabo”.