AUGUST 18 2020: No 2 Ultapani encroached village te komti hoilebi 70 nishena manu khuan etu te maiki khan ke Ultapani forest range office Assam’s Kokrajhar district Monday te hamlaa kurikena biya kuridishe.
Komti hoilebi charta gaari khan etu te ekta bolero,table ,chair,official docunents generators khan pura puri biya kurishe.
Etu hadsaa uporte police khan logote ekta fir kurikena thakishe.
Police khan para etu hadsaa nimete aath jun ke thurikena ase.media persons khan ke kot ha kura samay te department of Forest koishe ki etu duita illegal timber smugglers khan ke thurikena Ultapani forest range office Sunday din te anikena thakishe.
Hemanta Mashahary, Ranger of Ultapani forest range office para koishe ki Sunday rati te khobor paa hisaab te ami khan para duita timber smugglers ke thurishe jungle para etu khan laga naam toh Sumit Chumpramary and Tangki Narzary ase aro Monday phujur te etu duita thura manu ke Gaubura bosti te dishe aro etu pichede komti hoilebi 80 nishena manu khan ahikena ami khan laga office t e hamlaa kurikena pura puri biya kuridishe.
Tai koishe tai khan para Bismuri police outpost te ekta fir lodge kurishe aro police khan para etu bosti para aat jun thurishe.
Add Comment