Syria bomb blast te Russian General morishe

Moscow: August 19, 2020. Tuesday din, eastern Syria chaka te Russian gari(convoy) jai thaka samay tangor bomb para hamla kurikena Russian major aro tuita(2) sepia morishe, koikena defence ministry para khobot kura news agency para janai thishe. Ministry para koishe ke, Deir Ezzor osor te, Russian gari(convoy) toh humanitarian operation para aha samay bomb toh tai khan osor te botishe. Statement para Interfax, RIA Novosti aro TASS news agencies koishe ke, tin(3) jun sepia khan toh bomb botai te jokom hoishe aro “senior military advisor, kuan major general rank ase” tai toh morishe. Etu samay dosura khonor toh eku jamaa deya nai. Syria te support nemite thousand neshina Russian sepia khan ahikena ase koishe. Moscow laga military toh 2015 saal para thaki ase aro Syria logot larai kura toh char(4) saal hoiase. President Bashar al-Assad power te ahikena boila agae din te larai harikena thaka chaka toh aro loboli kuri ase. July moina te, tinta(3) Russian aro besi Turkish sepia khan jokom paishe, tai khan para Syria laga Idlib province lobo kura samay, joint patrol party ke bomb para botai thishe koishe.