Joe Biden para Democratic Presidential nomination manishe

August 21, 2020. Joe Biden para Democratic Party laga presidential nomination toh officially manishe aro American voters khan logot “”season of darkness” toh melikena parehboli lage”, etu para US toh “besi deri thurikena ase” koishe. Joe Biden, 77 umer, para video thikaina purana vice president laga life aro career toh baba, mota aro political leader neshina thikaise. Biden laga bacha Ashley Biden aro Hunter Biden para tai baba nomination mania samay kotha hoishe. “ami tumi khan ke moi kaga baba toh keneka manuh ase koboli mon. Tai toh kara aro bhal, manuh ke morom thaki. Tai manuh laga kotha honi, tui khan honiboli mon nathakile bem tai ketai be manuh ke neji te narakibo, koikena tai khan para koishe. “Tai toh tangor baba ekta ase aro ami khan laga President kuribo. Biden para Thursday rati Democratic presidential nomination manishe. Tai koishe ke, ami khan sob melikena America te ‘season of darkness’ toh hatabole parehbo. “etai thaka President para Americans manuh ke anthira te besi deri rakina ase” Biden para United States President Donald Trump ke target kurikena koishe. “besi kosa, besi phui aro besi alak-alak kuri dishe. Tui khan ami ke President kuri thile, ami para dak beya nakoikena bhal kam kuribo, aro ami anthira nahoina light te loikena jabo- etu nemite etai samay ase, melekina jabo”, Biden aro janai dishe.