August 21, 2020. United States te TikTok para 3,80,000 videos hatai dishe, tai khan para hate speech policy oper te jaa nemite ase koikena Thursday din te short-form video app para janai dishe. App laga malik toh China ByteDance ase aro koishe ke, tai khan para 1,300 oper accounts toh kotha beya leka ne nemie bondh kurishe. TikTok para blog post te koishe ke, tai khan para manuh laga beya kotha koishe aro etu policy oper te maaf thiboli nai koishe Etu app toh jawan chukra aro chukri khan pithor te besi popular ase aro app toh dance nemite bhal ase. Etu moina agae te Anti-Defamation League para koishe ke, app toh puka manuh aro anti-Semitic oper te kotha beya koikena spread hoishe. US. President Donald Trump para jaa hafta ByteDance logot order dishe ke, United States te TikTok toh 90 din pithor te hatabole koishe. U.S. officials para koishe ke, users khan laga khobor toh China’s government logot pongchai dey. TikTok para koishe, ketai be users khan laga data toh China logot nate aro mangilebi nathobo.
Add Comment