August 24 2020: Supreme Court par a final year exams laga sob plea huni thakishe Covid-19 pandemic nimete aro tai khan laga verdict toh joldi hi dibole kuri ase.
Apex court khuan para etu verdict UGC guidelines uportre aro final year students khan nimete exam laga verdict toh Tuesday te dibole nishena ase.
August 18 te court para students khan para file kura petition te huni thakishe tai khan para final year exams khan toh cancel kuribole nimete Covid-19 pandemic samay te.
Assam, Bihar, Uttar Pradesh and Andhra Pradesh laga 31 students laga group khan para ekta petition dishe court te exams cancel kuribole nimete.
Students khan etia supreme court order nimete rukhi ase aro bhabona kuri ase etu verdict toh tai khan laga favour te dibole nimete.
UGC guidelines ola pichede students khan protest kuri thakishe etu decision uporte universities aro colleges khan te final exams thakibole nimete.
Covid-19 pandemic samay te students khan para exams cancel kuribole mangi thakishe.students khan koishe ki India te Covid19 cases toh uthi thaka nimete etu halaat toh exam luwa toh thik nai.
Students khan koishe final exams toh cancel kuribole lageh aro students khan ke internal accessment hisaab te promote kuribole lageh.
Etia Delhi and Maharashtra governments khan khobor dishe final exams khan pandemic samay te luwa toh naparibo aro manishe tai khan sob ke promote kuribole nimete .
UGC guideline te koishe final year exams khan toh dibole lageh sob higher education institutes khan nimete.
UGC para koishe exams toh online offline nohoile toh mixed mode te lobole pareh.
Add Comment