August 26,2020: National Testing Agency (NTA) khan tayari kurishe NEET 2020 September 13, te ‘isolation rooms’ t e lobole nimete sob exam centre te tayar hoishe.
Sources koishe judi students kohan 99.4 degrees uporte temperature thakishe koile toh tai khan NEET 2020 exam special ‘isolation room’ te dibole lagibo.
Duniya khan Covid19 pandemic para dukh paa samay te NTA authorities khan manishe ki students khan normal range para bi bishi thaka temperature tohdusra students khan para isolate kuribo.
Exam centre te ghussa sob students khan thermal test lobole lageh aro judi tai khan laga temperature toh 99.4 degree uporte thakishe koile toh tai khan ke isolation room te luijabo.
NTA authorities khan kosish kuri ase suspected Covid positive students khan dusra students aro invigilators khan ke nalagai dibo sabole lageh.
Etu sal NEET exam 2020 te 15,97,433 students ase India laga medical colleges te admission lobole nimete.
Reports hisaab te NEET 2020 Examination toh alag alag slots te lobo aro social distancing maintain kuribo seats khan arrange kura samay te.
NTA authorities khan guidelines khan phutabo admit cards logote students NEET 2020 diya khan logote.
Gate laga bahar te rusi khan bandikena thakibo physical distance thakibole nimete kile koile students khan test centres te ghussa samay te.
Local Corona helpline numbers khan toh NEET 2020 test centers. Khan te dikhabole ase .aro emergency thakishe koile toh helpline number te call kuribole nimete arrangement khan kurikena thakibo.
Students khan ke examination room te mask, gloves, water bottle, own sanitizer (50 ml), admit card aro ID card thakikena ghussibole dibo.dusra saaman khan luijabole nadibo.
Gloves aro masks toh thakibole lagibo sob NEET 2020 examination center aro security guards entry gates te thaka khan nimete.
Sodium hypochlorite toh test centres laga tables, door handles and lift buttons te spray kuribole lagibo coronavirus phelibole nadibole nimete.
Test centres laga floor aro walls toh sterilise kuribole lagibo NEET 2020 exams, laga sob batch khan nimete.
Sob washrooms khan toh sapha rakhibole laggeh aro washroom te sabun khan rakhibole lageh students khan haath dhulabole nimete laga samay te.
Add Comment