Lagos: August 26, 2020. Tuesday din te, UN’s World Health Organization (WHO) para Africa desh te polio virus nai koikena junai thishe. Africa te duniyaa laga bemari nemite besi saal para hataboli campaign kuri thaka toh kamyab parehse koishe. “Aji Africa laga historic din ase,” koikena Prof. Rose Gana Fomban Leke para koishe. Tai para char(4) saal hoishe ke, desh te ekta poliovirus be nai aro sob pelaboli parishe janai thishe. Poliovirus toh etai smallpox logot virus laga list te ahishe, aro etu Africa desh para sob hataishe koikena WHO para koishe. 1996 saal para loikena, hataboli kam kuri ahishe “1.8 million bacha logo pachabo parehse, etu virus para bacha khan ke paralysis kuri thakishe. 180,000 neshina bacha khan laga jaan pachaise”, agency para janaise. Poliomyelitis- medical para polio ke koi, etu bemar toh besi katara virus ase aro tai para spinal cord te jaikena hamla kora samay bacha khan ke paralysis kori dey koishe. Duniyaa phur te bemar sobse beya thakishe, hoilebi 1950s saal te vaccine olaboli parehse. Hoilebi, Asia aro Africa desh te besi korep manuh thaka chaka te pongchebo napareh naa ase koishe. 1988 saal, ketai, WHO, UNICEF aro Rotary khan para duniya phur te virus hataboli campaign thakishe, etu samay duniyaa sob te 350,000 bemari cases thakishe. 1996 saal, Africa desh ekla te 70,000 bemari cases thakishe koishe. Duniyaa sob logo taro poisa te motob kora nemite kushi janai thishe etu samay 30 saal te $19 billion ahishe. Afghanistan aro Pakistan te etu saal pithor te sob melaikena 87 cases neshina ase koishe. Africam desh te last polio cases toh Nigeria te 2016 saal te thakishe, etu samay Boko Haram jihadists para vaccine para bemari toh hatabole korishe. Etu samay, kam kora manuh 20 jun neshina campaign kora samay morishe. “etu Africa desh te tangor kam hoishe. Aha din African bacha generations khan toh polio free te thakibo, koikena Africa laga WHO’s regional director, Matshidiso Moeti para janaoi thishe. “etu historic din toh leadership khan para aro governments, communities, Duniyaa laga polio bemar hatai manuh aro philanthropists khan nemite kam toh parishe”, Moeti koishe.
Add Comment