AUGUST 27,2020: Manipur te Assam rifles troops khan Mobile Vehicles Check Post, Tengnoupal Wednesday te 12 noon nishena te brown sugar paishe.
Assam Rifles press release te koishe “chan bin kura samay te Tengnoupal Battalion troops para ekta grey colour Eeco Van (AS 01 BB 7724) Letkhokai Haokip (25) K Monnaphai village, Tuibong TD Block, Churachandour Imphal te jai thaka rukhaishe.”
Release koishe “etu gaari te saikena Rs 28 Lakh laga 11 packets suspected brown sugar worth Rs 28 Lakh international market te gaari laga bonnet bithor te paishe.”
Etu thura manu etu paa saaman logote Narcotics Control Bureau, Imphal aro bi chanbin kuribole nimete dishe.
Dusra kotha toh Assam Rifles troops khan para aro bi contraband items kahn 6 am nishena te Wednesday din Sita- Lipham Khullen track junction Tengnoupal District te paishe.
Kenbo bikes khan berai thaka troops khan para Sita-Lipham Khullen track-junction, te paishe.aro koishe challenge kurikena etu Kenbo bikers khan para tai khan laga smuggled items charikena polaijaishe.
Etu saaman khan ke saijaikena 2 cartons of imported Cigarettes worth Rs 3 Lakhs, 8 cartons of Godzilla Coils worth Rs 64,000 aro 150 Kgs Betel Nuts Rs 90,000 daam laga thuri paishe.
Etu pura saaman paa toh international market value te Rs 4,54,000 ase.
Add Comment