AUGUST 28,2020: Supreme Court para Friday te hokum dishe ki state government khan ke final year examination noloa tak COVID19 pandemic te students khan ke promotion nadibo.
Top court para hoilebi koishe state government khan University Grants Commission (UGC) ke kotha kuribo etu deadline toh uthabole nimete etu para final year exams khan toh khotom kuribole lageh.
Media report te koishe etu order toh Justices Ashok Bhushan, R Subshash Reddy, and MR Shah, laga bench para dishe.
Bench para August 18 laga judgement toh reserve kurikena thakishe etu chamela nimete etu para dui din para uporte detailed hearing luwa pichede.
India laga alag alag universities para komti hoilebi 31 students khan supreme court te jaishe etu UGC circular toh hataidibole nimete etu para universities aro colleges khan ke koishe September 30 tak final year examination lobole nimete.
Etu plea toh Advocate Anubha Srivastava Sahai para file kurishe aro Advocate Alakh Alok Srivastava para kotha kurishe.
Etu pichede Aditya Thackeray-led Yuva Sena aro ekta final year Bhopal para UGC guidelines te challenge kurishe.
Report te koishe ki Etu final year law student laga plea toh Advocate Tanvi Dubey, para file kurishe.
University Grants Commission laga revised guidelines te koishe ki sob final year examination toh COVID19 pandemic samay te Standard Operating Procedure (SOP) follow kurikena lobole lageh.
Add Comment