COVID-19 para million manuh mental health beya hoiase: WHO

August 28, 2020. World Health Organization (WHO), laga director Tedros Adhanom Ghebreyesus para koishe ke, Duniyaa te hoi thaka Covid-19 bemari para million manuh laga mental health beya kurikena ase koishe. “manuh besi laga kotha kowah neem toh bemari para  mental health te joikena ase, Tedros para Thursday din Geneva te virtual press briefing samay janai thishe. WHO chief para koishe, kuan manuh khan besi deri care homes aro psychiatric institutions te bohiase tai khan ke rish besi ase koikena Xinhua news agency para khobor thishe. Tai aro koishe ke, mental health professionals khan nejor be etu virus ase aro konuba mental health facilities toh bondh hoikena Covid-19 bemari manuh khan elaj kora chaka bonaise. Tai yaat korikena koishe ke, mental health toh boila para he health issue nemite mon natikena ase, “Duniyaa te bemar naa-ola  samay para thakishe” aro etai one million manuh khan mental beya hoikena ase. Etu oper te, konuba manuh para toh mental health kam toh bhal para saikena jolai ase koishe. “komti aro middle-income desh khan te, 75 per cent neshina manuh kuan khan mental, neurological aro dosura bemari ase tai khan logot eku elaj nepaikena ase” Tedros para koishe. Tai para junaise ke, etu saal World Mental Health Day toh October 10 darik te ase, etu samay WHO aro tai laga partner organizations, United for Global Mental Health aro World Federation for Mental Health khan melaikena mental health nemite tangor kam koriboli soruh hoboli koishe.