NEW DELHI, SEPTEMBER 19 : Ami kan India desh laga bapa (Father of our Nation), Mahatma Gandhi (MG) laga 150th junum din (Birth Anniversary) nemite Rashtrapati Bhavan, New Delhi te President Ram Nath Kovind pora Logo aro Web Portal ulaidese.
Etu Logo branding toh Trains, Air India Aircraft, State Roadways Buses, Government Websites, Government Advertisements aro Public Sectors kan sob te julabole debo. Aro notun Web Portal toh http://gandhi.gov.in/ koi kena ase. Aro etu ke kun pora huilei aro kuta jaka pora huilebi kusi kena aramse julabole baribo. Aro etu Portal bitorte Mahatma Gandhi laga Literature, philosophy, audios, videos, rare photos kan sob babo koise.
Asul khobor hisabte etu Mahatma Gandhi laga 150th junum din nemite khushi aro ekta hisab manabole karne October 2, 2018 pora suru kurikena October 2, 2020 dak manabole ase koise.
Add Comment