AUGUST 30,2020: Bamutia West Tripura district te Airport police para charta chotu mota bacha khan ke thurishe ekta chotu maiki bacha ke sexual abuse kura laga charges te.
Police kuwa hisaab te etu maiki bacha laga baba para ekta complaint dishe Airport police station Saturday te .
Complaint hisaab te etu chotu maiki bacha toh khali aath umar thakishe.etu victim laga baba tai laga complaint te koishe saata mota para tai laga maiki bacha ke tai khan logote khelibole matishe.
Hoilebi ti khan para tai ke bhui khilaikena etu chotu maiki bacha sexual abuse kurishe.etu victim laga baba para koishe.
Airport police station laga police officer koishe “etu saata chotu mota khan maiki laga baba para diya toh tai laga complaint te 11-16 sal majhotte ase.”
Airport Police khan para etu saata chotu bacha majhotte char jun ke thurishe.kun khan etu chotu maiki bacha ke sexual abuse kurishe.
Etu chotu mota bacha khan ke rehabilitation centre te rakhikena ase.Police khan para aro bi etu thurikena thaka chotu mota bacha khan laga COVID19 test nimete arrangement kurikena ase.
Police koishe ki Etu te duita toh COVID19 positive paishe.etu duita chotu bacha kun khan COVID19 positive paa toh 12 umar aro 13 umar bacha khan ase.
Add Comment