Agencies, 30 August: Union health ministry data hisaab te, Sunday din India te 78,761 notun coronavirus cases aro 948 mora toh last 24 khonda te record hoise.
India laga COVID-19 tally 35 lakh mark par howa toh Maharashtra te sobse besi cases record howa logode ase. Sob melikena coronavirus infections laga cases toh 35,42,734 te ase aro mora toh 63,498 te othise. Etu lag ate 27,13,934 jun toh bemari para phal hoikena discharged/migrate hoise.
Duniya te sob melikena coronaivirus cases toh 24.9 million te ase aro mora toh 840,000 par hoise. Etu khobor toh Johns Hopkins University hisaab te ase.
University’s Center for Systems Science and Engineering (CSSE) para sobse notun update hisaab te, Sunday morning sob melikena cases toh 34,891,294 te thakise aro mora toh 840,892 te othise.
CSSE figures dekhaideya te, India toh third (3,463,972 cases) te ase. Etu bechide Russia (982,573), Peru (629,961), South Africa (622,551), Mexico (591,712), Colombia (590,492), Spain (439,286), Chile (408,009), Argentina (401,239), Iran (371,816), the UK (334,916), Saudi Arabia (313,911), Bangladesh (308,925), France (304,947), Pakistan (295,372), Turkey (267,064), Italy (266,853), Germany (242,835), Iraq (227,446), Philippines (213,131), Indonesia (169,195), Canada (129,639), Ukraine (119,751), Qatar (118,407), Bolivia (114,409), Israel (113,465), Ecuador (112,906) aro Kazakhstan (105,558) ase.
Add Comment