KOHIMA,AUGUST 31,2020: Phesama village 25th August 2020 te cole crops (Boccoli and Cabbage) laga Nursery bed preparation nimete field demonstration loishe. Etu te 10sta juwan maiki laga FIG members logote.
ATM, Atuno Zinyu para bed preparation uporte details khan dishe kuntu te ekta guti bed 1 meter wide aro 15 cm lamba length te ase plot laga condition hisaab te plot toh bonaishe .etu guti toh etu pichede lagaishe rows te etu bi sukha grass aro straws logote mulching khan kurishe.nursery bed preparation laga importance aro advantages cole crops nimete etu para pukha khan bacha aro pest infections par a aro mati labours khan bachai aro samay loi main field nimete etu guti toh germinates nohoa akhe tak thik size nohoa tak transplating nimete farmers khan ke share kurishe .mulching laga importance soil moisture th content rakhishe koile weed utha toh rukhaideh aro guti khan ke bishi groom aro paani para bacha laga kotha khan kurishe.
Lesun aro soya bean laga cultivation practices te aro bi ekta field demonstration Viswema village 26th August 2020 te loishe kuntu te etu program te FIG. ATM laga members khan ahise. Neitouzo Belho para etu duita crops laga method demonstration dikhaishe cultivation nimete field demonstration nohoa akhe te. Kuntu te fields selection soil laga type seed selection field preparation aro sowing method khan kheti kura manu khan ke dikhaishe visual pictures khan chulaikena .Ridge aro furrow systems khan chulaishe sowing nimete.
District farmers exposure visit bi Jakhama block Kohima district bithor te thaka kheti kura manu khan ke Tsiese Basa Coffee nursery farm and Nerhe Pheza Tea Farm School Chiephobozou Block bithor te 28th August 2020 te jaishe.etu exposure trip laga objective toh alag alag blocks regions laga kheti kura manu khan ke kotha kurikena hikibole dibole thakishe etu para t ai khan ke practical examples bhal irrigation thakibole nimete sustainable practices farming communities khan majhotte nijor para sabole nimete thakishe. Tea farm school te farm teacher Mesechüü para tai para kinika tai laga tea farm shuru kurishe dikhaishe kuntu toh pichede ATMA Chiephobozou block Tea farm school 2016 te recognized kurishe .farm maintain kura te bishi dikdaar khan kurishe farm uthadiya tai laga nijor laga tea nurseries khan uthaidiya cutting aro guti nimete aji tai para tea toh process kuribole pareh traditional method para aro tai laga organic products te tea aro green tea te bekai ase. Mesechüü para tai laga traditional method tea processing nimete traditional tools khan chulaikena dikhaishe.farm teacher para tai laga fellow kheti kura manu khan ke mon chotu nohobole koishe ki farming loile bi kile koile toh etu ek din fruit olabo aro etia etu nishena pandemic te manu khan ek jun laga need khan sabole lageh kuntu tu farming para hi hobo.tai para farmers khan ke tea plantation nimete jabole koishe aro koishe’Judi etu Nerhe Pheza t e bhal hoishe koile toh dusra district te kile bhal nohobo.?”
Etu team khan aro bi Coffee Nursery farm Tsiese Basa te jaishe kuntu te farm laga malik Dr. Vibeilie Mere para kheti kura manu khan ke importance laaph schemes aro subsidies kuntu te kheti kura manu khan lobole paribo coffee plantation loishe koile toh.tai koishe komti hoilebi 32 lakhs nishena coffee sapling khan etia tak Nagaland te dikena ase aro etu te bishi wala plantation khan ahise state laga alag alag jaka khan te kunba khan toh etia tak bonanai.etu field verification toh ekbar approve kurishe koile toh ekta kheti kura manu khan free plantation material lobole paribo LRD para etu logote free training logote kuntu para coffee board logote link ase aro etu pichede 2 instalments ₹35,000 per instalment toh beneficiary ke dibo.etu ekla nohoikena kheti kura manu khan machineries khan bi lobole paribo 75% subsidy rates te etu ek bar coffee board logote link kurishe koile toh.tai koishe Nagaland te Robutsa aro Arabica species khan ase aro kohima district natural shade logote komti jhooming jai ase. Kuntu toh coffee nimete bhal ase aro farmers khan ke agro climatic zones plantations, plant to plant spacing of 7 feet, time harvest etc uporte kotha khan kurishe.resource person para aro bi alag alag daam alag alag coffee beans laga stages uporte kotha khan kurishe sukha para lal cherry tak pulped beans polished beans roasted benas tak laga koishe.tai hoilebi I koishe pulping, polishing or roasting nakurile bi dried cherry coffee beans khan demand te ase.
Etu exposure trip te Farm school teachers, Farmer Friends women FIGs aro FSGs ATMA Jakhama block khan laga members khan ase.
Add Comment