US te 6 Million Coronavirus cases hoishe

Washington, United States: August 31, 2020. Sunday din te United States te coronavirus cases toh 6 million osor te hoishe. Duniyaa laga atha bemari cases  toh US te ase koishe. Duniyaa te coronavirus bemari cases toh 25 million hoishe etu nemite desh sob te besi tangor restrictions thaki ase. July moina para soruh hoikena Duniyaa sob te hotai bemari cases uthiase koikena AFP tally para koishe. Sunday din India te, record hoikena ek din laga cases toh 78,761 thakishe. Duniyaa te sobse beya chaka toh United States ase, ta khan chaka te 5.99 million cases toh 0030 GMT Monday din te Johns Hopkins University’s tracker hesab te janai thishe aro 183,000 manuh morikena ase koishe. Tin(3) hafta agae, United States te, 4 million poncha beche, 17 din loishe 5 million pongchiboli, koikena tracker para koishe. Duniyaa laga sobse tangor US economy ke virus para besi dhuk thishe aro etu oper te President Donald Trump para re-election nemite kotha koi thakishe. Dosura Duniyaa laga kotha kora te, Latin America be sobse beya bemari chaka ekta ase- tai khan chaka te first wave logot aro larai koriase. Brazil te  COVID-19 para manuh mora toh 120,000 oper hoikena ase. United States bechete tai khan second te ase koishe. Duniyaa phur te Covid-19 bemar para 855,000 manuh morikena ase aro etai dak te vaccine be nai aro bhal elaj koriboli eku nathaki-kena ase. Virus ke rokaboli nemite government para social distancing aro lockdown lakaikena ase koishe. Monday din para New Zealand te public transport aro flights te mask lakaboli mandatory hoishe, tai khan chaka te 100 din neshina local transmission nathakina aro besi bemar oalishe. Sunday din para South Korea te be virus laga notun bemar besi paikena larai kori ase, etu oper te greater Seoul chaka te be besi paiase, desh laga atha manuh toh etu chaka te bohi ase. Iraq te thousand neshina Shiite pilgrims khan gloves aro mask lakaina holy city of Karbala te Ashura manishe. Etu Muslim manuh jama kora sobse tangor chaka ase koishe.