Crotone, Italy: August 31, 2020. Sunday din southern Italy te, paani-jahas te jui lakina 20 neshina manuh thaka te tin(3) jun manuh morishe, tuita mota aro ek jun maiki manuh thakishem koikena Police para khobor thishe. Dosura 5 jun manuh be jokom paikena hospital te loikena jaishe, etu khobor toh Italian port city of Crotone para janai thishe. Etu samay manuh khan ke pachai thaka te 2 jun finance police officer be jokom paishe, commander Emilio Fiora para khobor kowah AdnKronos news agency para janai thishe. Emilio Fiora aro koishe ke, manuh khan ke aro pachaboli besari thakishe. Europe nemite Italy toh sobse tangor rasti ase, tai khan chaka te hajar manuh kam koriboli ahi aro dosura desh manuh be ahi koishe, hoilebi, Libya te goonda khan ke thura beche manuh aha toh komti hoishe. Rome te dosura desh manuh nemite paani-jahas toh bondh kori thishe hoilebi 2020 saal para aro manuh ke uthai ase, etai samay coronavirus bemari thaka nemite manuh khan ke motob thiboli dhuk pai ase koishe. 2020 saal pithor te, Italy te 18,000 neshina manuh khan ahikena ase koikena interior ministry official laga data para thikaise. Aro etu eke samay 2019 saal te saishe koile toh 4,900 manuh thakishe.
Add Comment