Japan, Australia, India, notun plan bonaise

September 1, 2020. Japan, India aro Australia laga trade ministers khan para Tuesday din te kotha melaikena Indo-Pacific region te supply chain kam kurikena jabole koishe. Khobor para koishe ke, China para business tangor sob thurikena thaka nemite etu tinta(3) desh melaikena eke logot kam koriboli koishe. Joint statement para koishe ke, ministers khan para tai khan laga officials khan logot kam toh saikena supply chains toh masbot koriboli etu saal pithor te kam soruh hoboli janai thishe. Japan’s Hiroshi Kajiyama, India’s Piyush Goyal aro Australia’s Simon Birmingham, para Tuesday din video conference te kotha korishe koikena  statement para koishe. Tai khan para dosura desh khan logot be shared kora kotha toh saikena shamil koriboli janai thish. Etu tinta(3) desh khan toh tangor supply chain bonaikena China para business tangor thurikena thaka toh kelaff kuribo aro desh te geopolitical jamila thaka toh be saboli ase. August moina te Bloomberg para khobor thishe ke, Tokyo aro New Delhi manuh khan para etu kotha toh janikena ase. Etu oper te U.S., Japan, Australia aro India khan toh Quadrilateral Security Dialogue laga members ase, tai khan national security consultation laga loose grouping ase koishe. Monday din te, senior U.S. diplomat para koishe ke, U.S khan para desh te broader security alliance nemite grouping toh joboli soruh kuribo mon ase.