India aro China border alag kora nai: Wang

September, 1, 2020. Chinese Foreign Minister Wang Yi para koishe ke, India aro China boundary toh alag-alag hoboli ase, etu nemite tuita(2) desh pithor te hotai jamila thakibo. Tai jun laga leaders khan para joti kam kurikena pithor te larai nathakibo nemite jolti para saboli lage koishe. Wang Yi para koishe ke, China toh India logot jamila nathakibo nemite kotha koriboli ready ase. Wang, kuan etai Europe te jaikena ase, etu kotha toh tai para Monday din Paris te French Institute of International Relations te kotha kora samay janai thishe. Tai logot sawal hotishe ke, China laga mil-melab toh India aro Japan logot keneka ase, etu samay minister para toh eastern Ladakh te Chinese military khan para ke kam koriase janai deya nai. Tai laga kotha toh Indian Army para Chinese army eastern Ladakh te kushi-kushi perai thaka khobor kora beche kowah ase. Aro etu first tangor larai ekta June 15 darik Galwan Valley te tai khan para hamla kurikena Indian Army personnel khan 20 jun manuh morai thishe. Wang koishe ke, “China aro India relation para parties khan ke attention kori thishe. “China aro India laga boundary toh aro fesla kora nai, etu para tai jun pithor te hotai jamila thakibo. Ami khan India logot kotha para fesla loboli ready te ase, koikena tai aro koishe. Etu samay, tuita chaka te be melikena thakibo kam hobo lage, aro koishe ke, President Xi Jingpin aro Prime Minister Narendra Modi besi paar lok kurikena important kotha korishe. India aro China pithor te tui monia atha agae te besi paar military aro diplomatic kotha thakishe, hoilebi etai dak te eastern Ladakh laga border nemite jamila thaka laga eku bhal khobor nai koishe. Foreign minister para koishe ke, Duniyaa te China toh kuan desh neshina be osor desh besi ase aro tai khan laga kahani toh besi lamba ase.