September 02,2020: Tripura laga Sanjay Das ke 47 teachers khan majhotte kun ke national teachers’ awards, nimete chunishe kuntu toh September te lobole thaka Teachers’ Day te dibole ase.
Etu award toh human resource development ministry para di ase.Olop akhe phaneh ekta state aro UT government khan para ekta teacher ke chuneh aro etu award nimete recommend kureh.
Hoilebi 2019 pichede HRD Ministry khan para state government’s nomination process toh hataidishe aro teachers laga selection toh online testing aro verification para kurishe.
Etu sal laga award nimete komti hoilebi sob milaikena 153 teachers khan apply kurishe aro etu bithor te 47 teachers khan ke etu sal laga national award nimete chunishe.
Sanjay Das kun ke Tripura para chunishe tai toh Tilabazar School Kailasahar, Unkoti District laga assistant headmaster ase.
Add Comment