Agencies, 03 September: Desh laga cricket board (PCB) koise, Pakistan Super League laga bachi thaka jarta matches toh March moina COVID-19 pandemic nemide suspend kora thakise. Etu toh etiya November moina Lahore te lobole ase.
Wednesday te PCB para schedule janaideya hisaab te, tuita top teams- Multan Sultans aro Karachi Kings toh qualifier te lok kora thakibole ase aro etu samai Lahore Qalandars (third) aroPeshawar Zalmi (fourth) toh November 14 direk first eliminator te lok kora thakibo.
Qualifier te hara aro first Eliminator te jeta toh Nob ember 15 direk second Eliminator te lok koribo. Etu bechide Nov ember 17 direk final thaki bo.
PCB para Wednesday din statement te koise, “Lahore te jarta matches toh 14, 15 aro 17 November te lobo aro khali Qualifier aro Eliminator 1 toh double-header hobo. Eliminator 2 toh next din te khelibo aro e vent toh Tuesday 17 November te kothom hobo.
PSL toh March 17 direk COVID-19 pandemic ola nemide suspend kora thakise. Board koise, sob games toh COVID-19 protocols te players, match officials aro event related staff nemide bio-secure bubble be mani kena lobo.
Aji kali matches toh shaa manu nathakikena lobole plan ase. Hoilebe situation toh thek para shai thakibo aro October te shaijabo.
Tuesday te PCB para desh te cricket activities toh aro suru koribole janaideya thakise aro elite players nemide National High Performance Centre (NHPC) toh aro khulibole manibo kowa thakise. National High Performance Centre (NHPC) toh March te pandemic nemide bondh kora thakise.
Ahibole season opor te PCB chief executive Wasim Khan koise, PCB para 2020-21 domestic season toh lobole plan kori ase. Etu te age-group, men aro women competitions aro home international series against Zimbabwe aro South Africa be melikena thakibo.
Add Comment