US para WHO logot $80 Million baki nathibo koishe

Washington: September 3, 2020. United States para koishe ke, WHO logot  $80 million baki thiboli thaka toh natibo hoilebi etu poisa toh New York te National Bill thiboli motob kuribo koikena Wednesday din US official para janai thishe. United States khan para Geneva-based WHO ke July 6, 2021 saal te jariboli plan kori ase, keli koile President Donald Trump para WHO toh coronavirus bemari ola samay China laga puppet hoishe. WHO para Trump laga kotha toh nahoi koishe. WHO laga spokeswoman para Thursday din te email te koishe ke, “ami khan boila statement te kowah neshina US toh withdraw koriboli felsa te regret ase. Ami khan khobor aro roki ase, aro bahal para fesla kuribo”. 1948 saal laga US Congress joint resolution te, Trump para ek saal agae te WHO logot US jaijaa nemite notice thibo lage, aro organization logot current fiscal saal laga bali toh Washington para thibo lage koishe. State Department Bureau of International Organization Affairs laga deputy assistant secretary of state Nerissa Cook, para koishe ke, United States para WHO logot financial year 2019 saal nemite $18 million baki ase aro financial year 2020 nemite $62 million baki thiboli ase koishe. “etu kam sob toh aro sai ase aro UN logot be UN assessment thiboli ase” koikena Cook para aro koishe. Etu poisa laga kotha toh Washington para New Tork te United Nation logot thiboli laga kotha ase. US Agency for International Development assistant administrator for global health, Dr Alma Golden para koishe ke, besi chaka te Washington para notun kam olaikena  global health nemite hotai samay motob koriase, aro etu kam toh WHO logot melaikena kam korishe. Tai aro koishe ke, Libya aro Syria te polio bemari hatabole karne health assistance toh ek par nemite WHO logot $68 million thiboli koishe. Trump laga purana doshman aro Vice President Joe Biden para koishe ke, judi tai November 3 darik te US presidential election samay Trump ke keraboli parehle tai WHO logot aro meliboli koishe.