Agencies, 04 September: Friday te Pakistan Cricket Board (PCB) para 2020-21 domestic events calendar olaise. Tai khan para best domestic performers nemide nejor laga talent dekhabo nemide maximum opai pabo koise.
PCB para National T20 Cup laga First XI matches, Pakistan Cup One-Day Tournament, aro National U19 One-Day Tournament toh double-league basis te lobole fesla korise. Etu para three white-ball competition te komti hoilebe 10 league matches toh each side ke manibo aro senior event s te top four sides toh semi-final aro final te agae ja thakibo koise. Aro juniors’ event te top two sides toh final te progress hobo koise.
National T20 Cup toh September 30 direk para October 18 direk tak Multan aro Rawalpindi te lobo aro National U19 One-Day Tournament toh October 13 para November 2 direk ta Lahore, Muridke aro Sheikhupura te lobo.
National T20 Cup aro National U19 One-Day Tournament toh season laga suru te scheduled korise kelay koile November moina Pakistan Super League (PSL) 2020 draft te tai khan franchises te attract koribole opai pabo nemide.
Pakistan Cup One-Day Tournament toh January 8 direk para 31 direk tak khelibo. Etu bechide domestic season toh February para korikena PSL 2021 logode kothom koribo.
Sob four-day first-class matches toh Otctober 25 para suru koribo aro event toh January 1 te five-day final suru kori thaka logode kothom hobo. Second XI three-day matches toh October 18 direk para December 13 direk tak khelibo.
Add Comment