September 05,2020: Arunachal Pradesh laga Congress MLA Ninong Ering para koishe China’s People’s Liberation Army (PLA) para paanchta manu khan uthaishe.
Etu huwa toh india aro china majhotte border chamela ola nimete ase. Congress MLA para tweet te likhishe ki”etu toh biya khobor ase paanchta manu Upper Subansiri district arunachal Pradesh para China’s People’s Liberation Army (PLA) khan uthaishe.”
Tai para aro bi koishe”Olop moina akhe te enika nishena hadsaa olaishe, #PLA and #CCPChina ke bhal para jawab dibole lageh.”
Etu paanch jun manu laga naam toh Tanu Bakar, Prasat Ringling, Ngaru Diri, Dongtu Ebiya, and Toch Singkam ase.
Tai khan ke Sera 7 area Upper subansiri district bithor te India-China border Arunachal Pradesh para uthaishe.
Ering para India Today ke kotha kura samay te koishe”Chinese khan aro bi misa mishi kaam kuri thakishe.Ladakh aro Doklam te huwa nishena Chinese army khan Arunachal Pradesh te olaishe.”
Tai para aro bi koishe “aro bi dikhaishe tai khan ami khan laga LAC jaka te ghussise aro koshe etu toh second bar ase Chinese army khan India para manu khan utha toh.”
Aro bi khobor paishe ki Saturday te etu congress lawmaker para Prime Minister Narendra Modi and Chief Minister Pema Khandu, ke tweet kurikena hosiyar kurai dishe Chinese incursion nimete Arunachal Pradesh te.
Ering para aro bi ekta facebook post Prakash Ringling laga screenshot dishe kun koishe ki tai laga bhai toh etu Chinese Army para utha paanch jun manu te ekta thakishe.
Add Comment