Former health minister Sudip Roy Barman state health department laga khilaaf

September 05,2020: Former Tripura health minister Sudip Roy Barman para alag alag  bodnam khan kurishe state health department  khan laga khilaaf Friday din te.

Media logot e kotha kura samay   Agartala  press club te Barman  koishe  ki judi etia laga COVID-19 situation state te enika jai thakishe  koile toh tai bhui khai ase ki komti hoilebi 650 manu khan nishena     agartala  te December  moina tak murijabo.

Tai khobor  dishe ki”state laga  COVID-19 graph toh uthi ase     .April para July   moina tak  average te 122 manu khan   Tripura  te   COVID-19 para dikdaar paishe.”

Tai  koishe “August ekla te hi komti hoilebi sob milakena 7168 manu khan etu beemar nimete positive  test paishe”

Tai koishe “Etia  sat din bithor te bishi khatara huwa toh  average per day patients khan Tripura te  485 te uthise kun tu toh last two days te  568 te uthise.”

Former minister koishe  “etu te agartala laga positivity   rate toh 21 percent ase  kuntu toh national average para  tinbar wala bishi ase.”

Tai koishe “etu  te SOPs khan toh  ase hoilebi  thik thaka nai  kile koile ekjun  manu bi nai etu sabole nimete.”

Tai aro bi  koishe GBP laga  senior doctors   khan COVID-19 patients khan ke  elach  kuribole  mun thakana aro koishe khali junior doctors    aro medical students khan etu patients khan ke sai ase.

Doctors aro auxiliary health staffs khan komti thaka te   etia laga staff khan  laga kaam toh chulabole lageh thik para .

Tai aro bi koishe “CT scan machine, the X-Ray machine aro etu logote  portable x-ray machines  khan kaam nakurikena  ase    GBP hospital te aro government khan etu toh najaneh.

Tai koishe  “etu elach laga pura process toh assumption nishena  kuri ase.aro kun bi staff khan thakanai  etu ambulance toh hospital te  punchan  samay te aro kunba jaka  khan  te patients khan toh ambulance  bithor te murishe.”

Tai para aro bi  death laga  data loka nimete bodnam kurishe  Battala  te record rakha hisaab te  crematorium te dikhaishe  ki aro bi 12 nishena  manu koha  murishe  officially dikha hisaab te .

Tai aro bi authorities incharge    COVID-19 patients laga body  phekahbole nimete  cremate kuri thakishe   etu te Christians, Muslims and the Nath community hindus khan  bithor te mura  body toh mati te dabaideh.

Tai para sob  manu khan etu hikibole koishe aro sob norms follow kuribole koishe  etu te social distancing bi ase.