Agencies, 06 September: Parliament te opposition parties toh melikena government ke kelaaf koribole plan kori ase. Parliament laga Monsoon session September 14 direk te suru howa time te tai khan desh laga alak alak issue- (India aro China border issue, COVID pandemic te shaa, economy aro states ke GST compensation nesana) opor te kotha olabole ase.
Tai khan para alak alak opposition parties laga leaders toh etu hapta Parliament laga tuita house te be joint floor strategy bonabo nemide lok koribole bhabona kori ase koise.
Congress President Sonia Gandhi has convened a meeting of the party’s strategy group on September 8, the sources said.
Khobor hisaab te, Congress President Sonia Gandhi para September 8 direk party’s strategy group laga meeting loise.
Opposition leaders be alak alak aro eki bhabona thaka parties logode melikena Parliament agae khara hobole echa ase. Etu toh Trinamool Congress (TMC) chief Mamata Banerjee, Shiv Sena leader Uddhav Thackeray aro JMM’s Hemant Soren para etu par non-NDA chief ministers laga meeting Congress president Sonia Gandhi logode JEE/NEET aro GST issues opor te lowa samai te janaishe.
Congress strategy group toh ek par lok korise aro session samai kotha olabole laga issues te kotha korise.
Senior Congress leaders para be UPA allies aro tusara parties eki bhabona thaka alak alak parties ke contact koribole aro government kelaaf Parliament pithor aro pahar fight koribole koise.
TMC leader Derek O’Brien para be eki bhabona thaka opposition parties toh Parliament te melikena kaam koribo aro public issues te common ground pabo kowa thakise.
Tai para be enaka parties majode Parliament te besi teamwork thakibole ase koise.
Sunday din CPI(M) general secretary Sitaram Yechury para joint opposition strategy nemide kotha toh jai ase koise.
CPI leader D Raja para be etu opor te opposition leaders laga meetings toh joldi lobole ase koise.
Add Comment