SEPT 07, 2020: BJP poster campaign Bollywood actor Sushant Singh Rajput nimete insaaf manga toh poll bound Bihar nimete kotha olaishe.
Oppostition parties khan koi thakishe ki etu posters aro pamphlets toh voters khan ke tanibole kurishe etu sal October – November te lobole thaka assembly elections nohoa akhe te.
Patna te RJD spokesperson Mrityunjay Tiwary reporters khan logote kotha kura samay te koishe “Tejashwi Yadav toh akhe manu thakishe etu case nimete CBI probe manga toh hoilebi tai etu political reasons nimete ekbar bi chulanai.etu toh biya ase ki BJP khan politics kura toh manu laga body te.”
Opposition’s allegations toh misa ase koikena BJP leaders para Patna te koishe etu poster ola toh art aro culture wing para party laga politics logote okobi kuribole laga nohoi.
BJP spokesperson Nikhil Anand kuwa hisaab te “Sushan toh mati laga bacha ase kun para Bihar ke represent kurishe Bollywood te.tai achanak para mura toh sob manu ke asurit kuraishe kuntu toh Bihar te hi nohoikena sob jaka te dikhishe.Bihar BJP khan etu late Bollywood actor laga insaaf nimete utikena ase.”
Sources koishe etu poster aro pamphlets slogan thaka “Sushant nimete insaaf”aro ami kha n paoranai aro kun ke bi paoribole dianai state te dishe youths khan majhotte.
Party khan aro bi bhabona kuri ase Sushant Singh Rajput laga jeevan aro dikdaar paa laga video social media te joldi olabole nimete bhabona kuriase.
Nikhil Anand koishe “Party laga art aro culture wing toh artist laga forum ase sob stream te thaka toh aro Sushant Singh Rajput nimete solidarity aro love dikhaishe.etu ekla nohoikena tai khan saaman hi diya nohoikena sushant laga memory rakhibole nimete bi bhabona kuri ase alag alag activities paea.etu te political interpretation nathakibole lageh Bihar BJP laga ekta forum para bi etu nimete.”
Add Comment