Indonesia te 300 Rohingya ahishe

September 7, 2020. Monday din te Indonesia’s Aceh province te 300 Rohingya Muslims manuh khan beach osor te thaka military, police aro Red Cross volunteers para uthaishe koikena authorities para janai thishe. Etu manuh khan toh paani-jaha ekta para Ujong Blang beach te ahishe koikena local manuh para koishe. Officers khan para koishe ke, etu manuh khan toh pongcha beche tinta(3) group korishe, koikena Banda Sakti Sub-district Military laga Commander, Roni Mahendra para koishe. “ami khan para local manuh ke koikena etu manuh khan jama naokora dak motob koriboli koishe” Mahendra para koishe. Etu manuh khan pithor te, 181 toh maiki ase, 100 mota aro 14 bacha khan thakishe aro tai khan ke bohiboli chaka aro local manuh, local police officers, military aro health manuh para motob thishe. Mahendra aro koishe ke, “etai ami khan laga supervisors laga kotha roki ase”. June moina te, Indonesian laga fisherman khan para 94 konjuri Rohingya Muslims manuh khan Aceh, Indonesia laga westernmost province chaka te paani-jahas para uthaishe. Hajaar neshina Rohingya Muslims khan Myanmar te Buddhist manuh besi thaka nemite aro  military para besara nemite bolai jai thaki. Aro etu manuh khan toh Bangladesh te be refugee camps bonaikena manuh besi bohi ase koishe. Rights activists para kowah toh, Rohingya manuh khan toh paani te jai, Myanmar te dhuk thaka nemite aro Bangladesh te be eneka ase, etu samay, manuh utha khan para promise korikena bahar desh te besi manuh ke loikena jai thaki.