COVID-19 last nahoi, aha din be dayar thakibo lage: WHO

September 9, 2020 Coronavirus bemar toh last nahoi, etu nemite duniyaa toh ahiboli din te be dayar thakiboli lage, koikena World Health Organisation (WHO) chief Tedros Adhanom Ghebreyesus para warn korishe aro duniyaa khan para public health logot motob korikena aha din laga bemari logot larai koriboli roki thakiboli lage. Geneva te Press conference thaka samay, Tedros para koishe ke, “etu bemari toh last nahobo. History para kowah toh jeevan te bemari toh ahi thakibo. Ketai aro bemar toh ahibo, duniyaa khan dayar hobo lage- etu paar logot besi wala dayar thakibo lage”.  “kali para International Health Regulations committee para saikena kam soruh koribo. International Health Regulation toh global health security nemite sobse important legal instrument  ase”. Review committee para IHR laga kam toh saikena koribo aro Jodi konuba botli koribo thakile, tai khan paa koribo”, Tedros para Monday din press briefing samay janai thishe. Tai aro koishe ke, Emergency Committee, international laga declaration of a public health emergency, international IHR focal points role aro functions toh sabo. Aro boila laga International Health Regulation review committees khan para ke ke kam korishe aro keman dak jaiase etu sob soboli ase”. WHO review committee para duniyaa te coronavirus bemari thaka samay International Health Regulations para ke kam korishe saikena Tuesday din para kam toh soruh koribo, koikena health body`s director-general, Tedros Adhanom Ghebreyesus para junai thishe. Etu samay, duniyaa pithor te India toh second beya bemari para lakina ase. India te bemari cases toh 42,80,422 lakh cases hoikena ase aro 72,775 manuh morikena ase koishe.