Mexico te Journalist ke morai-thishe

Mexico: September 10, 2020. Wednesday din eastern Mexico te, journalist ek jun moria-kena thakishe, koikena police para koishe. Duniyaa te reporters khan nemite Mexico toh sobse safe nathaka chaka ekta ase. Hugo Gutierrez, security minister aro eastern state of Veracruz laga head head police para koishe, “Julio Valdivia ke moria deya toh besi kushi nai” aro rai toh El Mundo de Veracruz laga newspaper te kam kora manuh ase. “state attorney general office logot melikena kuan manuh khan para moriase besaribo” tai para statement te janai thishe. Valdivia laga body aro tai laga motorcycle toh train laga rasta te mountain chaka osor te paishe, etu chaka toh Tezonapa municipality pithor te ase, koikena newspaper para khobor thishe. Etu saal pithor Mexico te tai mora toh 5 journalist wala ase, koikena watchdog Reporters Without Borders media para koishe aro 41 umer te morai deya toh tai laga kam nemite ase naa nahoi authorities khan logot investigate koriboli koishe. Mexico te media watchdog toh sobse oper te ase aro desh te journalists khan nemite besi phui chaka ase. Mexico te 2000 saal para loikena 100 journalists khan ke moraikena ase. Etu laga case ekta te, 2017 saal te journalist Miroslava Breach ke morai deya nemite jaa moina ek jun logot 50 saal jail te botaishe.