Germany te first African Swine bemar thurishe

Berlin, Germany: September 11, 2020. Thursday din Germany para koishe ke, African swine fever laga first case paishe. Desh te gahori bazaar te bemar besi thakiboli janai thishe. Scientists khan swine bemari toh mora jungle gahori logot German-Polish border osor eastern state of Brandenburg te thurishe koikena German agricultural ministry para janai thishe. “bemari suspect mori thaka toh confirmed hoishe” minister for agriculture, Julia Kloeckner para koishe. Mora janwar ke rati te test korishe. Europe te Germany toh sob se tangor gahori thaka chaka ase aro ek saal te five million tons neshina olai koishe. African swine fever toh jungle gahori aro ghor gahori logot thaki aro besi danger ase, hoilebi manuh khan logot toh eman danger nahoi koishe. Konuba desh neshina China te swine bemari nathaka desh te aniase. China te German laga gahori toh besi demand te ase. Brandenburg chaka laga toh bondh korikena ase, Kloeckner para koishe, hoilebi EU para bemari nathaka desh para aniboli koishe. Duniyaa laga sobse tangor chaka kuat para ani thaki etu chaka te ek paar nemite bondh korikena ase, keli koile June monai te 1,000 neshina kam kora manuh khan logot coronavirus positive test paa nemite. African swine bemari toh swine flu logot eku mil-melab nai. 2009 saal te swine flu bemar para Duniyaa sob te 18,000 manuh morishe, koikena World Health Organization para koishe. 2019 saal te, African swine fever toh western Poland te bemari cases besi olaishe koishe. Germany te olop moina agae te bemari toh komti koribo nemite sniffer guta para mora jungle gahori ke besari thakishe. Brandenburg desh te jungle gahori ke rokabo nemite 120-kilometre (75-mile) lamba electric fence be bonaikena ase koishe.