US sepia 2,000, Iraq para hatabo ase

September 11, 2020. Wednesday din United States para koishe ke, Iraq te sepia khan komti hobo. President Donald Trump para larai kotom koribo parah toh samaan kurishe. Iraq te 5,200 military manuh thaka toh 3,000, koriboli ase aro etu eke khobor toh Afghanistan logot be janai thiboli ase koishe. White House spokeswoman Kayleigh McEnany para etu nam toh election nemite ase kowah toh reject korishe, tai koishe ke “Iraq toh etai dhuk nai aro tai khan laga security forces khan sob dayar hoikena ase”. General Kenneth McKenzie, head of the US military’s Central Command para koishe ke, Baghdad toh sepia khan wabas kotha toh “ami khan para Iraqi security forces logot besas thaka nemite ase” aro tai khan nejor para saboli parehbo nemite ase. Etu para US sepia toh sobse komti wala thakibo, Trump President nakora samay, tai agae te Barack Obama para be 2012 saal te 9 saal larai kori thaka toh kotom kori thishe. Hoilebi, Obama para botli korishe, keli koile Islamic State group (IS) khan besi howah nemite Iraq te aro 5,000 sepai khan international coalition nemite koikena jihadists logot larai koriboli rakishe koishe.