Canada te March para COVID-19 zero cases ase

Toronto: September 12, 2020. Canada te 24 gonda pithor COVID-19 para manuh mora zero ase, etu March 15 darik para loikena first time ase koikena, Friday din te public health agency laga data hesab para koishe. Canada te September 11 darik dak te bemari para manuh mora toh 9,163 hoikena ase, etu same toh September 10 darik te be government laga data para thikaise. September 11 darik te positive cases toh 702 uthishe aro Sep11 dak te 135,626 hoishe, data hesab para thika ase. Desh besi te lockdown restriction komti hoikena schools be kulishe, Canada laga bemari toh boila din te olop uthishe. Notun bemar rokaboli nemite  Authorities khan high alert te ase aro provinces neshina British Columbia te hoshari rakina virus spread kori thaka toh saboli ase koishe. Canada te etai be situation toh southern chaka logot toh bhal wala ase. United States laga border osor te 190,000 oper manuh khan bemari para morikena ase aro 6.38 million manuh khan bemar hoikena ase. Canada te SARS, aro severe acute respiratory syndrome bemar toh experience hoishe aro health officials khan ke dayar thakibole koishe. Canada te SARS para 44 manuh morikena ase. Asia bahar te first desh ase tai khan in 2002-2003 saal te etu bemar toh olaishe. Canada te first coronavirus cases toh January 25 darik Toronto te paishe. Ontario aro Quebec sobse manuh besi thaka province toh COVID-19 bemari laga hot spot ase koishe. Canada te first COVID-19 para manuh mora toh March 9 darik te thakishe. March moina te COVID-19 cases otha nemite Canada te foreign desh laga international borders sob bondh korishe aro test loboli soruh korishe. Ontario aro Alberta chaka te ek paar nemite foreign manuh aro farms te kam kora manuh  logot bemar thurishe aro kam toh asti para koli ase koishe.