UN para Coronavirus Response Resolution bonaishe

United Nations, United States: Friday din Covid-19 nemite UN resolution “comprehensive and coordinated response” kelaaf  te United States ke Israel para be support korishe aro etu oper te WHO’s leadership role be shamil ase koishe. Etu kam nemite May moina para kotha kori ahiase, etu samay, 193 desh pithor te 169 desh para loboli manishe. Ukraine aro Hungary para vote koranai. Fesla kora te bemari laga kotha besi ase, WHO para key leadership lowah nemite kushi junai thishe aro United Nations laga system para kam sob koriboli loikena Covid-19 bemari toh saboli” koishe. Etu saal spring moina te United States khan WHO para olai jaishe, keli koile WHO para coronavirus bemari thaka samay kam thik kora nai aro Duniyaa logot khobor deri thishe. Fesla kora kotha te “international motob korikena melikena thakibo aro bemari ke pariboli koishe”.  UN Secretary-General Antonio Guterres para koishe ke, desh pithor te larai kori thaka roki-kena bemari logot melikena larai koribo. Aro koishe ke, desh khan para food and agricultural supply chains toh mon thikena economic recovery strategies uthaikena development anibo aro climate change nemite be kam koribo. Vote thiboli samay, United States para maiki nemite sexual aro reproductive health laga paragraph toh hatabole parah nai. Libya aro Iraq para be paragraph hatabole te vote thishe. Hoilebi, 120 desh khan para rakiboli vote korishe aro etu samay 25 desh thakanai.