September 13,2020: Nameri National Park and Tiger Reserve laga forest personnel khan para ekta poacher ke thurishe kun Saturday saam te park te ghussibole kosish kurishe.
Etu poacher laga naam toh Deji Khaklari ase.sources koishe “Poachers khan Nameri National Park and Tiger Reserve, te ghussibole kosish kura samay te park, laga forest team khan hosiyar thakikena forest officers, Amrit Doley and Deep Kalita, logote milikena etu poaching attempt toh rukhaishe.”
forest team para ekta poacher Deji Khaklari ke thuribole parishe aro tai laga haath para two hand-made guns, one country-made boat house explosives logote thurishe .
Official sources kuwa hisaab te poachers’ group khan park te river Jia- Bhorali para Saturday saam te ghussibole kosish kurishe.
Aro etu forest team khan group ke follow kurishe dusra poachers khan nodi te jump kurishe aro polaishe Hoilebi Deji Khaklari toh forest team para thurishe.
Etu poacher ke judicial magistrate Sonitpur district te luijaishe.sources aro koishe “search operation kuri ase dusra polaijaa manu khan ke thuribole nimete.etu thura pocher toh forest officials khan para hudah hudi kuri ase.”
Add Comment