September 13,2020: Vice President’s Secretariat para Saturday te koishe Parliament, laga monsoon session nohoa akhe te Vice President and Rajya Sabha chairman M Venkaiah Naidu toh COVID19 test loishe.
Secretariat koishe ki Upper House laga sob members khan etu session te naha akhe te COVID19 test toh lobole lageh.
Vice President Secretariat para statement te koishe ki”Tai nijor ke tayar kuri ase ahibole thaka monsoon session Parliament September 14, 2020 te preside kuribole nimete.Chairman, Rajya Sabha, M Venkaiah Naidu toh aji Covid-19 test loishe.”
Aro koishe “sob members khan Covid-19 test (RT-PCR) lobole lageh ahibole thaka session te naha akhe te,sob Rajya Sabha members khan ke advisory diya hisaab te.”
Statement hisaab te upper house laga members khan ke koishe tai khan laga test toh 72 hours bithor te lobole nimete session shuru nohoi akhe te hospital/laboratory government nohoile toh Parliament House Complex para authorised kura te .“
Social distancing norms jai thakibole nimeter Rajya Sabha chamber, galleries aro Lok sabha chambers khan members sitting nimete chulabo.
57 khan etu chamber te rakhibole aro dusra 51 toh Rajya sabha laga galleries te thakibo.bachikena thaka 136 toh Lok sabha laga chamber te buibo.
Sob milaikena komti hoilebi 244 members ase aro ekta seat khali ase.statement te koishe“charta dangor display screens khan chamber te members khan kotha kura dikhabo aro etu te live telecast thakibo etu proceeding laga Rajya Sabha TV te.”
Aro koishe “etu logote choita chotu display screens aro audio console khan etu charta galleries te rakhikena ase.”
Add Comment