September 13,2020: Tamil Nadu te NEET 2020, nohoa ekta din akhe te komti hoilebi sob miliakena 3 medical college aspirants khan Saturday te bhui para suicide kurishe.
Media report hisaab te ekta Madurai-based maiki kun ekta policemen laga maiki bacha ase Saturday te tai laga ghor bithor te phasi lagaikena nijor ke muraidishe.
Etu kura laga reason toh etu maiki laga baba koishe note te ki tai toh bhal para tayar kurishe etu exam nimete hoilebi result nimete bhui khai thakishe.
Etu maiki para kun ke bi bodnam kura nai aro maaf mangishe tai khan laga ama bba ke tai laga jeevan khotom kuri diya nimete.
Dharmapuri te suicide laga dusra hadsaa hoishe kuntu te ekta mota para tai jeevan khotom kurishe.
Namakkal district te aro ekta mota bacha nijor ke phasi lagaikena murishe. medical college aspirants Tamil Nadu te suicide laga number toh charta para uthise olop din para.
NEET 2020 laga bhui khaa nimete Wednesday din te ekta aspiring medical student nijor ke muraidishe.
Tamil Nadu deputy chief minister O. Panneerselvam tweet te etu suicide incident nimete mondukh janaishe.
Panneerselvam koishe ki students khan willpower olabole lageh etu challenges face kuribole nimete.tai aro koishe ki ama baba khan tai khan laga bacha ke support kuribole lageh.
Add Comment