Agencies, 13 September: Prime Minister Narendra Modi para Bihar te komti hoilebe tinta petroleum projects inaugurate koribole ase. Centre toh state te development agenda othabole kori ase. Projects te Durgapur-Banka section laga Paradip-Haldia-Durgapur pipeline project aro tuita LPG bottling plants be melikena ase. Event te Bihar Chief Minister Nitish Kumar be thakibole ase.
193-km lamba Durgapur-Banka pipeline section toh state-owned Indian Oil Corp (IOC) para bona laga ase. Etu toh Paradip-Haldia-Durgapur Pipeline Augmentation Project laga ekta part ase aro etu nemide Prime Minister para February 17, 2019 te foundation stone lay kora thakise.
Banka, Bihar te Durgapur-Banka section toh thaki thaka 679-km lamba Paradip-Haldia-Durgapur LPG pipeline te notun LPG bottling plant nemide othaideya (extension) laga ase.
14-inch diameter laga pipeline toh West Bengal, Jharkhand aro Bihar par kori.
Banka te IOC laga LPG bottling Plant para Bihar laga cooking gas demand te lok koribo.
Bottling plant toh Rs 131.75 crore nesana investment te bona laga ase aro etu toh Bihar laga Bhagalpur, Banka, Jamui, Araria, Kishanganj aro Katihar district logode Jharkhand laga Godda, Deoghar, Dumka, Sahibganj, aro Pakur district ke serve koribole nemide ase.
LPG storage capacity 1,800 tonnes aro bottling capacity 40,000 cylinders per day para Biar te direct aro indirect kaam olabo karni opai pabo.
Harsidhi, East Champaran district te Hindustan Petroleum Corp Ltd’s (HPCL) 1,20,000 tonnes per annum LPG bottling plant toh Rs 136.4 crore laga daam te bonaishe.
Plant toh 29 acres laga mathi te bonaishe aro etu laga foundation stone toh Prime Minister para April 10, 2018 te thala thakise.
Bottling plant para Bihar laga East Champaran, West Champaran, Muzaffarpur, Siwan, Gopalganj aro Sitamarhi districts te LPG lakiya te debo.
Add Comment