Agencies, 13 September: Sunday te Union Minister Harsh Vardhan para potential Covid-19 vaccine pabole fixed date toh nai koise hoilebe emergency authorization te namikena 2021 laga first quarter te daiyar hobole chance ase koise. Programme “Sunday Samvad” pithor te online interaction te, Harsh Vardhan para tai judi drug (dawai) opor te manu khan biswas nathakise koile volunteer nemide first manu hobo koise.
Tai para be dawai toh first ektum lakiya khan ke debole janaishe.
Tai para issues- vaccine security, cost, equity, cold-chain requirements, production timelines nesana opor te be kotha korise koise.
India te vaccine candidates aro development opor te Vardhan koise, Department of Bio Technology (DBT) aro Indian Council of Medical Research (ICMR) toh vaccine candidates laga advancement nemide support koribo karni situation ola te jawab de thakise.
Harsh Vardhan koise, government toh human trials lobo nemide pura precautions loi ase koise aro Dr VK Paul, Member (Health) NITI Aayog laga chairmanship pithor te National Expert Group on Vaccine Administration for COVID-19 para desh laga immunize kenaka othabo etu opor te detailed strategy bonai ase koise.
Add Comment