Japan Ruling Party para Yoshihide Suga ke PM junishe

Tokyo, Japan: September 14, 2020. Monday din te Japan’s ruling party para chief cabinet secretary Yoshihide Suga ke notun leader junishe. Tai para Shinzo Abe ke desh laga Prime Minister botli koribo. Suga para vote toh asani para jetishe. Liberal Democratic Party lawmakers aro regional representatives khan laga 534 vote pithor te 377 paishe koishe. Tai laga dushman former defence minister Shigeru Ishiba aro LDP policy chief Fumio Kishida toh tai laga beche te hoishe. Liberal Democratic Party logot legislative majority thikena, Wednesday din te Suga para parliamentary vote aram para jetibo aro tai Prime Minister koribo. Abe toh halat beya nemite resign hoiase. Government advise aro spokesman, Suga 71 umer, para  Abe laga policies toh bhal para loikena kam koriboli thiki ase. Suga para koishe ke, tai yaati aha toh olai-jaa prime minister laga kam koribo mon nemite ase. Ishiba toh Japanese public logot  popular ase party pihor te nahoi, tai 68 votes he paishe. Kishida toh Abe beche prime minster hoboli bhapi thaka toh 89 votes paishe. Abe toh para record bonaise ke, Japan te sobse lamab prime minister thurishe, tai halat beya howah nemite resign koribo olaishe. Suga toh strawberry farmer laga bacha ase aro tai Japan northern Akita chaka para tangor hoishe. Rural areas te population komti hoijaa nemite, etu tai laga sobse tangor bhapana ase koishe. Tai Prime Minister howah beche, besi tangor challenges, coronavirus bemari rakoboli aro Duniyaa te 3 tangor economy toh saboli nemite besi kam koribo ase koishe.